Framleiðendur

Akur Organic sérhæfir sig í lífrænni ræktun á gulrótum og öðru rótargrænmeti. Akur Organic er staðsett á Langanesvegi 2, 680 Þórshöfn

Lífræn framleiðsla á hrognum og seiðum til fiskeldis

Bio Bú sérhæfir sig í vinnslu og framleiðslu á lífrænum mjólkurafurðum, mjólk, ostum, jógúrti og grísku jógúrti. Einnig eru þau með lífrænt vottað nautakjöt. Bio Bú vinnur afurðir sínar frá Neðra-Hálsi í Kjós, Búlandi í Austur-Landeyjum og Eyði-Sandvík.

Brauðhúsið er handverksbakarí þar sem megináherslan er lögð á að baka næringarrík og góð matbrauð. Í brauðin er notað lífrænt ræktað hráefni og er framleiðslan viðurkennd af Vottunarstofunni Túni.

Breiðargerði er garðyrkjustöð í Skagafirði. Elínborg Erla stundar þar lífræna útiræktun á litríku grænmeti og er einnig með heimasölu á Breiðargerði, 561 Varmahlíð.

Guðmundur Ólafsson og Guðný Halla Gunnlaugsdóttir á Búlandi í Austur-Landeyjum eru með lífrænt mjólkurbú og framleiða mjólk fyrir Bio Bú.

Framleiða hágæða fæði, byggt á spíruðu hráefni.

Á garðyrkjustöðinni Engi í Laugarási er stunduð lífræn ylrækt, m.a með kryddjurtir. Engi, Ferjuvegur Laugarási, Bláskógabyggð

Garðyrkjustöðin Sólbakki á Ósi í Eyjafirði eru með lífræna útiræktun grænmetis. Þau eru með heimasölu á haustin.

Sólheimar eru vagga lífrænnar ræktunar á Íslandi en Sesselja Hreindís Sigmundsdóttir var merkur frumkvöðull á því sviði. Almennt er talið að upphaf lífrænnar ræktunar, ekki aðeins á Íslandi, heldur einnig á Norðurlöndunum, hafi verið á Sólheimum.

Svanhvít og Ingvar í Gróðurstöðinni Hæðarenda stunda útiræktun á ýmsu grænmeti, s.s gulrótum, grænkáli ofl. Gróðurstöðin Hæðarendi er á bænum Háagerði við Búrfellsveg, 805, Selfoss. Upplýsingar á iskjoliskyggnis@gmail.com

Gróðurhúsið í Bjarkarási stundar lífræna grænmetisræktun og starfsmenn í vinnu og virkni hjá Ási styrktarfélagi starfa þar. Gróðurhúsið er staðsett í Stjörnugróf 9, 108 Reykjavík